Арзыў әйлер көңилимиз өз йуртымызға барғалы,
Ярыў-дослар ҳәм қәдирдан билән бирге жүргели,
Рәҳим әйле, патшаҳым, елге жеткер сен мени
Я илаҳим, елимди көрер күнлер бармекен?

Ҳақ әзелде әйлемиш ошбуў йүриш бизге несип,
Ярыў-достан айрылып, қайғы-думан басқа түсип,
Бирге жүрген қызыў-жаўан, яр-яран менен көрисип,
Яр билә ҳәмдәм болып, жүрмеге күнлер бармекен?

Сақлағыл, пәрўәрдигарим, биз бул ғәрип бәндәни,
Билменем меҳман етипсен нешше күн жан тәндеги,
Малыў-мүлким, ҳәрне барым тапсырдым мен тәңирге,
Билменем, пәрўардигарим, елди көрер күн бармекен?

Arzıw áyler kóńilimiz óz yurtımızǵa barǵalı,
Yarıw-doslar hám qádirdan bilán birge júrgeli,
Ráhim áyle, patshahım, elge jetker sen meni
Ya ilahim, elimdi kórer kúnler barmeken?

Haq ázelde áylemish oshbuw yúrish bizge nesip,
Yarıw-dostan ayrılıp, qayǵı-duman basqa túsip,
Birge júrgen qızıw-jawan, yar-yaran menen kórisip,
Yar bilá hámdám bolıp, júrmege kúnler barmeken?

Saqlaǵıl, párwárdigarim, biz bul ǵárip bándáni,
Bilmenem mehman etipsen neshshe kún jan tándegi,
Malıw-múlkim, hárne barım tapsırdım men táńirge,
Bilmenem, párwardigarim, eldi kórer kún barmeken?