Залым пәлек зулымын билән,
Қылдың бизни ҳайран енди.
Ғафыллықдын үмирим өтди,
Қалды йүзмың ҳижран енди.

Мине, қазан урды бағым,
Көкәрип шыққан йашлық шағым,
Көз алдымда булдур сағым,
Көкирәгим әрман енди.

Елимни айтдым ҳәр йәнә,
Өзимни салдым ҳижранә,
Табмайын дәрдә дәрмәнә,
Болдым шу күн ҳайран енди.

Сыр бермәдим ҳәр нәмәрдә,
Гүл йүзимә түшти пәрдә,
Қаўми-қардаш яд ерләрдә,
Йүрек бағрым бирьян енди.

Йүрмә намәрд йолдаш билә,
Йуўма йүзиңни яш билә,
Өмир өтирсәң хош билә,
Ақыры соңы ойран енди.

Яры-дослар, сүриң дәўран,
Йүрәкдә қалмасун әрман,
Ақырында қыз ўә жәўан,
Қылур бир күн әрман енди.

Ялан дүнья өтер, кетәр,
Душман аяқыңда ятар,
Әжел бир күн шараб тутар,
Сүд әнләмәс, гирьян енди.

Гәҳи йығлап, гәҳи күлдим,
Яман ишләрдин шекилдим,
Зийўар айтур, мен игилдим –
Ҳалдин тиләб ийман енди.

Zalım pálek zulımın bilán,
Qıldıń bizni hayran endi.
Ǵafıllıqdın úmirim ótdi,
Qaldı yúzmıń hijran endi.

Mine, qazan urdı baǵım,
Kókárip shıqqan yashlıq shaǵım,
Kóz aldımda buldur saǵım,
Kókirágim árman endi.

Elimni aytdım hár yáná,
Ózimni saldım hijraná,
Tabmayın dárdá dármáná,
Boldım shu kún hayran endi.

Sır bermádim hár námárdá,
Gúl yúzimá túshti párdá,
Qawmi-qardash yad erlárdá,
Yúrek baǵrım biryan endi.

Yúrmá namárd yoldash bilá,
Yuwma yúzińni yash bilá,
Ómir ótirsáń xosh bilá,
Aqırı sońı oyran endi.

Yarı-doslar, súriń dáwran,
Yúrákdá qalmasun árman,
Aqırında qız wá jáwan,
Qılur bir kún árman endi.

Yalan dúnya óter, ketár,
Dushman ayaqıńda yatar,
Ájel bir kún sharab tutar,
Súd ánlámás, giryan endi.

Gáhi yıǵlap, gáhi kúldim,
Yaman ishlárdin shekildim,
Ziywar aytur, men igildim –
Haldin tiláb iyman endi.