Хәр хош йигит саўаш күни,
Доланур майдан ишиндә.
Мәрд билә нәмәрдниң парқы,
Билинур мәйдан ишиндә.

Болур өз ишине пухта,
Бедәўдиң айырма ноқта,
Нәмәрдләр қулағы ақпа,
Ешитмес мәйдан ишиндә.

Қайғыў-меҳнәт болды ярым
Шықмас көңүлдин ғубарым,
Кеше-күндиз аҳыў-зарым,
Қалыбман ҳайран ишиндә.

Гездим ғәриплик йолында,
Ғарқ болуб шәмшә көлиндә,
Юсупдәк Мысыр елиндә,
Қалыбман зиндан ишиндә.

Алла салды бейле, йола,
Ҳәркимсәдин қылмаң кийлә,
Мәжнүн киби шықыб шөлә.
Қалыбман гирян ишиндә.

Шох ишләр кешти башымнан,
Сел болды көзлер яшымнан,
Айрылыб теңи-душымнан,
Қалыбман ҳайран ишиндә.

Шабан минип, шаңда қалма,
Еки берип, бирин алма,
Бийўапаға көңил берме,
Қалурсаң әрман ишинде.

Ғәрип Зийўар қылма гирян,
Ҳақ өзи болғай меҳрибан,
Қушарсаң ҳур илә ғулман,
Жәннети ризўан ишинде.

Xár xosh yigit sawash kúni,
Dolanur maydan ishindá.
Márd bilá námárdniń parqı,
Bilinur máydan ishindá.

Bolur óz ishine puxta,
Bedáwdiń ayırma noqta,
Námárdlár qulaǵı aqpa,
Eshitmes máydan ishindá.

Qayǵıw-mehnát boldı yarım
Shıqmas kóńúldin ǵubarım,
Keshe-kúndiz ahıw-zarım,
Qalıbman hayran ishindá.

Gezdim ǵáriplik yolında,
Ǵarq bolub shámshá kólindá,
Yusupdák Mısır elindá,
Qalıbman zindan ishindá.

Alla saldı beyle, yola,
Hárkimsádin qılmań kiylá,
Májnún kibi shıqıb shólá.
Qalıbman giryan ishindá.

Shox ishlár keshti bashımnan,
Sel boldı kózler yashımnan,
Ayrılıb teńi-dushımnan,
Qalıbman hayran ishindá.

Shaban minip, shańda qalma,
Eki berip, birin alma,
Biywapaǵa kóńil berme,
Qalursań árman ishinde.

Ǵárip Ziywar qılma giryan,
Haq ózi bolǵay mehriban,
Qusharsań hur ilá ǵulman,
Jánneti rizwan ishinde.