Қара дағның уша башы,
Қарлы болур, қарсыз болур,
Бир хош йигит йад елләрдә,
Маллы болур, малсыз болур.

Бәҳәр өтип, келсе язлар,
Сәлланышар сәрўи назлар,
Ғаңқылдашан қуба ғазлар,
Көлли болур, көлсиз болур.

Хорезмдә қалды жайлар,
Шекәр олдым аҳы-ўайлар,
Тағ башынан ақан сайлар,
Селли болур, селсиз болур.

Кәрўанлар кешәр шөллердә,
Сухсурлар ушар көллердә,
Бир хош йигит йад еллердә,
Тилли болур, тилсиз болур.

Йад еллердә хош йигитлер,
Йуракинә салмақ дәрдләр.
Мойны қулаш әреби атлар,
Яллы болур, ялсыз болур.

Арзыў әрман пәлек иши,
Тынбай ақар көзим яшы,
Йад еллердә йүрген киши
Йоллы болур, йолсыз болур.

Кимә айтай арзыў-ҳалым,
Көнлимдә көп қыйлы-қалым,
Өткен өмир – маҳы-салым,
Белли болур, белсиз болур.

Ғәриб Зийўар күндә ағлар,
Йүрәкимдә шоқдур дағлар,
Рәнбәрәң ашылған бағлар,
Гүлли болур, гүлсиз болур.

Qara daǵnıń usha bashı,
Qarlı bolur, qarsız bolur,
Bir xosh yigit yad ellárdá,
Mallı bolur, malsız bolur.

Báhár ótip, kelse yazlar,
Sállanıshar sárwi nazlar,
Ǵańqıldashan quba ǵazlar,
Kólli bolur, kólsiz bolur.

Xorezmdá qaldı jaylar,
Shekár oldım ahı-waylar,
Taǵ bashınan aqan saylar,
Selli bolur, selsiz bolur.

Kárwanlar keshár shóllerdá,
Suxsurlar ushar kóllerdá,
Bir xosh yigit yad ellerdá,
Tilli bolur, tilsiz bolur.

Yad ellerdá xosh yigitler,
Yurakiná salmaq dárdlár.
Moynı qulash árebi atlar,
Yallı bolur, yalsız bolur.

Arzıw árman pálek ishi,
Tınbay aqar kózim yashı,
Yad ellerdá yúrgen kishi
Yollı bolur, yolsız bolur.

Kimá aytay arzıw-halım,
Kónlimdá kóp qıylı-qalım,
Ótken ómir – mahı-salım,
Belli bolur, belsiz bolur.

Ǵárib Ziywar kúndá aǵlar,
Yúrákimdá shoqdur daǵlar,
Ránbáráń ashılǵan baǵlar,
Gúlli bolur, gúlsiz bolur.