Таў басынан ақса ақыш,
Төменини сел қылады.
Йоқшылықтан аққан көз яш,
Румалымды ҳөл қылады.

Бу нә қайғы, бу не думан.
Болалмадым дәрттен аман,
Ишпей шарап, шегип әфған,
Ақлы-ҳуўшым лал болады.

Дәртлерим күн-күннен бетер,
Зар йығлайып күним өтер,
Залым пәлек бизге не етер,
Қашан мақсет ҳал болады.

Йүре алмадым ойнап-күлә,
Мәжнүндейин шықтым шөлә,
Кеше-күндиз қайғыў билә,
Әлиф қәддим дал болады.

Дәртим артар дәмбедәмдин,
Қутылмадым ҳәргиз ғамдын,
Мәдәт истеп аллам сендин,
Көзде яшым сел болады.

Әжинияз дер менин атым,
Йетмес аллаға фәриядым,
Иште лаўлап жанған отым,
Өшпегенше мин болады,

Taw basınan aqsa aqısh,
Tómenini sel qıladı.
Yoqshılıqtan aqqan kóz yash,
Rumalımdı hól qıladı.

Bu ná qayǵı, bu ne duman.
Bolalmadım dártten aman,
Íshpey sharap, shegip áfǵan,
Aqlı-huwshım lal boladı.

Dártlerim kún-kúnnen beter,
Zar yıǵlayıp kúnim óter,
Zalım pálek bizge ne eter,
Qashan maqset hal boladı.

Yúre almadım oynap-kúlá,
Májnúndeyin shıqtım shólá,
Keshe-kúndiz qayǵıw bilá,
Álif qáddim dal boladı.

Dártim artar dámbedámdin,
Qutılmadım hárgiz ǵamdın,
Mádát istep allam sendin,
Kózde yashım sel boladı.

Ájiniyaz der menin atım,
Yetmes allaǵa fáriyadım,
Íshte lawlap janǵan otım,
Óshpegenshe min boladı,