Бул дүньяда айшы-әшрәт яқшыды,
Кел сапа сүрели, әй нәзәлимлер,
Ашықларға мудам сөҳбет яқшыды,
Кел, ойнап-күлели, әй нәзәлимлер.

Ашықты өлтирер ярдың қыялы,
Бийҳуш етер татсаң ләбиниң палы,
Ҳәр бир сөзи әсел киби мазалы.
Кел, сапа сүрели, әй нәзәлимлер.

Қызлар билән болсаң бир қалый жайда,
Айшы-әширәт етсен тилла саранда,
Тамаша етип, бүгин ҳайт билән тойда,
Қел, дәўран сүрели, әй нәзәлимлер.

Өңирине ҳәйкел моншақлар таққан,
Айбаты бултты ҳәм дағларды басқан,
Зийўар айтар мисли дәрьядай тасқан,
Кел, ағзы дуўалы, әй нәзәлимлер.

Bul dúnyada ayshı-áshrát yaqshıdı,
Kel sapa súreli, áy názálimler,
Ashıqlarǵa mudam sóhbet yaqshıdı,
Kel, oynap-kúleli, áy názálimler.

Ashıqtı óltirer yardıń qıyalı,
Biyhush eter tatsań lábiniń palı,
Hár bir sózi ásel kibi mazalı.
Kel, sapa súreli, áy názálimler.

Qızlar bilán bolsań bir qalıy jayda,
Ayshı-áshirát etsen tilla saranda,
Tamasha etip, búgin hayt bilán toyda,
Qel, dáwran súreli, áy názálimler.

Óńirine háykel monshaqlar taqqan,
Aybatı bulttı hám daǵlardı basqan,
Ziywar aytar misli dáryaday tasqan,
Kel, aǵzı duwalı, áy názálimler.