Аспанда жүр ала-ала көринип,
Жерге түссе қуйрығынан сүринип,
Балақ жүни тепкиринен түрилип,
Тарландек титиренер бизиң ала қус.

Ала қустың бир минези артықты,
Байбосынның бир таўығын тартыпты,
Ел болып қәҳринен аның қорқыпты,
Ала қус емесдур, бул бир бәлә қус.

Ала қустың бүркит киби тырнағы,
Ҳасла жаздырылмас урса қармағы,
Елге аўыр түссе керек салмағы,
Сонындай биймаза бизиң ала қус.

Ала қус тәрийпи журтқа жайылды,
Қораз-таўық бәри жиннен айылды,
Алған аўы мерекеде сойылды,
Сонындай зәбердес бизиң ала қус.

Aspanda júr ala-ala kórinip,
Jerge tússe quyrıǵınan súrinip,
Balaq júni tepkirinen túrilip,
Tarlandek titirener biziń ala qus.

Ala qustıń bir minezi artıqtı,
Baybosınnıń bir tawıǵın tartıptı,
El bolıp qáhrinen anıń qorqıptı,
Ala qus emesdur, bul bir bálá qus.

Ala qustıń búrkit kibi tırnaǵı,
Hasla jazdırılmas ursa qarmaǵı,
Elge awır tússe kerek salmaǵı,
Sonınday biymaza biziń ala qus.

Ala qus táriypi jurtqa jayıldı,
Qoraz-tawıq bári jinnen ayıldı,
Alǵan awı merekede soyıldı,
Sonınday záberdes biziń ala qus.