Йа, илаҳий әда болды қашқашым,
Излесең табылмас дағ арасында.
Яшлығымнан ҳәмра болған йолдашым,
Сен мәйүс әйләмә халық арасында.

Сарғайып көринген дағның қулағы,
Дегрисинде әлўан-әлўан булағы,
Кашқаш жеген Әфлатунның ылағы,
Ғурт билән дүгисер дағ арасында.

Ҳәркимсә бул мәйдан әгер татыптур,
Ақшамында дийдар күтип ятыпдур,
Илмиҳалды илмиҳалға сатыпдур,
Гөҳиқаф айланур дем арасында.

Етти йылғы үлпет болған йолдашым,
Ишкенде йош берген ҳәмдәм сырлашым,
Қула дүзде қалар болды бул лашым,
Лажәрәм әйледиң қум арасында.

Ya, ilahiy áda boldı qashqashım,
Ízleseń tabılmas daǵ arasında.
Yashlıǵımnan hámra bolǵan yoldashım,
Sen máyús áylámá xalıq arasında.

Sarǵayıp kóringen daǵnıń qulaǵı,
Degrisinde álwan-álwan bulaǵı,
Kashqash jegen Áflatunnıń ılaǵı,
Ǵurt bilán dúgiser daǵ arasında.

Hárkimsá bul máydan áger tatıptur,
Aqshamında diydar kútip yatıpdur,
Ílmihaldı ilmihalǵa satıpdur,
Góhiqaf aylanur dem arasında.

Etti yılǵı úlpet bolǵan yoldashım,
Íshkende yosh bergen hámdám sırlashım,
Qula dúzde qalar boldı bul lashım,
Lajárám áylediń qum arasında.