Ўәлий күнлим, ҳәр жайларда доланма,
Ҳәр жай демәк билән имкан болурмы?
Сөзлегәндә сөзниң парқын билмәгән,
Адам демәк билән инсан болурмы?

Йигит керек өз жайында сөзләсә,
Ҳәр кимсә сыр бермей, сырын гизнәсә?
Қәдирин биләр бир қадирдан изләсә,
Қадирин билмәс жая меҳман болурмы?

Аллам берсин бәндесиниң мурадын,
Кәмрән катиби язарлар хатын,
Бәршени яратқан қадир қудадин,
Инаят болмаса, султан болурмы?

Ҳош йигиткә абрай керәк, мал керәк,
Мүршидләрә батын керәк, ҳал керәк,
Ақырәт истәсең, дуғры йол керәк,
Куңил хош етмесә, гирьян болурмы?

Хош йигиттиң аты-тоны шай болса,
Алан яры ақлы өзинә тай болса,
Уғлы-қызы болуб, йәне бай болса,
Яланчи дүньяда әрман болурмы?

Яқшыны пәҳим әйле сөзләгән сөздиң,
Яманның парқы йоқ, көз бирлә йүздин,
Әдебсиз, әркәңсыз бийпәҳим қыздың,
Хошрей болмақ билән жанан болурмы?

Зийўар айтур, аллам, өзиң шад әйлә,
Атым-тоным, көңил-хошым бар әйлә,
Қол аяғым, башым, көзим сағ әйлә,
Мендин ғайры дәрдә янған болурмы?

Wáliy kúnlim, hár jaylarda dolanma,
Hár jay demák bilán imkan bolurmı?
Sózlegándá sózniń parqın bilmágán,
Adam demák bilán insan bolurmı?

Yigit kerek óz jayında sózlásá,
Hár kimsá sır bermey, sırın giznásá?
Qádirin bilár bir qadirdan izlásá,
Qadirin bilmás jaya mehman bolurmı?

Allam bersin bándesiniń muradın,
Kámrán katibi yazarlar xatın,
Bársheni yaratqan qadir qudadin,
Ínayat bolmasa, sultan bolurmı?

Hosh yigitká abray kerák, mal kerák,
Múrshidlárá batın kerák, hal kerák,
Aqırát istáseń, duǵrı yol kerák,
Kuńil xosh etmesá, giryan bolurmı?

Xosh yigittiń atı-tonı shay bolsa,
Alan yarı aqlı óziná tay bolsa,
Uǵlı-qızı bolub, yáne bay bolsa,
Yalanchi dúnyada árman bolurmı?

Yaqshını páhim áyle sózlágán sózdiń,
Yamannıń parqı yoq, kóz birlá yúzdin,
Ádebsiz, árkáńsız biypáhim qızdıń,
Xoshrey bolmaq bilán janan bolurmı?

Ziywar aytur, allam, óziń shad áylá,
Atım-tonım, kóńil-xoshım bar áylá,
Qol ayaǵım, bashım, kózim saǵ áylá,
Mendin ǵayrı dárdá yanǵan bolurmı?