Шар тәрепдин меҳман келсе күтмәгэ,
Әўелҳа йигитке ҳиммәт-ҳал керәк,
Дилжәм болып үйдә тыныш ятмаға,
Көп генә бийҳисап дүнья-мал керек.

Йигит керәк дәрья киби ташмаға,
Кеўил пәрўаз етәр көкке ушмаға,
Үйге меҳман келсе, кеўил ашмаға,
Әдепли-әрканлы уғыл-зат керек.

Қулақ сал, яранлар, пәҳим үгитке,
Мийўа питпес қара тала, сөкиткә,
Беш күн ойнап-күлген ғошшақ йигиткә,
Қалем қаш, қыпша бел, қәдди дал керәк.

Тентекке – жудырық, мәжгүнгә – урыш,
Жиллигә–төбәләш, палўанға–тутыш,
Бедәўгә–йуўырыш, буўданға–йүриш,
Ябыға ҳәм қуйрық билән ял керәк.

Дийқана жер керәк, туқымыў-ҳөккиз,
Бүлбилә гүл керәк, назбайыў-әфруз,
Балықшыға дәрья ишрә, я теңиз,
Кишти керәк, йоқса жекен сал керәк.

Йук салмаға Шынмашиныў-Бухара
Русы, ноғай, Ходжәнд йәне Херата
Ҳағ бәзиргән саўдагәри базара.
Тақ өркешли әлўан-әлўан нар керек.

Shar tárepdin mehman kelse kútmáge,
Áwelha yigitke himmát-hal kerák,
Diljám bolıp úydá tınısh yatmaǵa,
Kóp gená biyhisap dúnya-mal kerek.

Yigit kerák dárya kibi tashmaǵa,
Kewil párwaz etár kókke ushmaǵa,
Úyge mehman kelse, kewil ashmaǵa,
Ádepli-árkanlı uǵıl-zat kerek.

Qulaq sal, yaranlar, páhim úgitke,
Miywa pitpes qara tala, sókitká,
Besh kún oynap-kúlgen ǵoshshaq yigitká,
Qalem qash, qıpsha bel, qáddi dal kerák.

Tentekke – judırıq, májgúngá – urısh,
Jilligá–tóbálásh, palwanǵa–tutısh,
Bedáwgá–yuwırısh, buwdanǵa–yúrish,
Yabıǵa hám quyrıq bilán yal kerák.

Diyqana jer kerák, tuqımıw-hókkiz,
Búlbilá gúl kerák, nazbayıw-áfruz,
Balıqshıǵa dárya ishrá, ya teńiz,
Kishti kerák, yoqsa jeken sal kerák.

Yuk salmaǵa Shınmashinıw-Buxara
Rusı, noǵay, Xodjánd yáne Xerata
Haǵ bázirgán sawdagári bazara.
Taq órkeshli álwan-álwan nar kerek.