Ҳәр ким Хатам болур паний дүньяда,
Бар болып дәўлети, болса ҳиммети,
Ҳәр кимлер етеди мақсуд–мурада,
Дурыс болса ықлас пенен нийети.

Кешти бу дүньяның малы-әмўалы
Болса сақаўаты, хайры-ихсаны,
Ер йигитке келсе бир күн мийманы,
Келур мийман билән худа рәҳмәти.

Бақыллар үйинен от-суў алдырмас,
Бир тон кийсе, он жылғаша тоздырмас,
Келсе мийман "жайым жоқ" деп қондырмас,
Ғаний болып, бар да болса дәўлети.

Яқшы болса ер йигитниң жананы,
Йигитниң ишинде қалмас әрманы,
Яман болса мәрт йигитниң алғаны,
Башында дүньянын қайғы-ғүлпети.

Дәўлетиң кем болса, алғаның яман,
Жылында үйине келмейди меҳман,
Зайыбың яқшы боп, болса мийирман,
Қатын емес, ол бир қуда нәғмети.

Адамнан шәрим етпей, қорықпай алладың,
Руўза тутмай ҳәм оқымай салатын,
Жаман қатын күн-түн гезер елатын,
Байы сапар шығып кетсе бир жети.

Зийўар айтар ҳақ әмирине бол қайыл,
Ҳақ жолында қурбан болды Исмаил,
Қаҳәрленип келсе бнр күн әзрайыл.
Бермей таслар бир дем ҳасла мәўлети.

Hár kim Xatam bolur paniy dúnyada,
Bar bolıp dáwleti, bolsa himmeti,
Hár kimler etedi maqsud–murada,
Durıs bolsa ıqlas penen niyeti.

Keshti bu dúnyanıń malı-ámwalı
Bolsa saqawatı, xayrı-ixsanı,
Er yigitke kelse bir kún miymanı,
Kelur miyman bilán xuda ráhmáti.

Baqıllar úyinen ot-suw aldırmas,
Bir ton kiyse, on jılǵasha tozdırmas,
Kelse miyman "jayım joq" dep qondırmas,
Ǵaniy bolıp, bar da bolsa dáwleti.

Yaqshı bolsa er yigitniń jananı,
Yigitniń ishinde qalmas ármanı,
Yaman bolsa márt yigitniń alǵanı,
Bashında dúnyanın qayǵı-ǵúlpeti.

Dáwletiń kem bolsa, alǵanıń yaman,
Jılında úyine kelmeydi mehman,
Zayıbıń yaqshı bop, bolsa miyirman,
Qatın emes, ol bir quda náǵmeti.

Adamnan shárim etpey, qorıqpay alladıń,
Ruwza tutmay hám oqımay salatın,
Jaman qatın kún-tún gezer elatın,
Bayı sapar shıǵıp ketse bir jeti.

Ziywar aytar haq ámirine bol qayıl,
Haq jolında qurban boldı Ísmail,
Qahárlenip kelse bnr kún ázrayıl.
Bermey taslar bir dem hasla máwleti.