Мән кетәрмән сәргиздана, Абдулла,
Мәндин сәлам дегил молла Еримә,
Әжран әзийм тапқайсаң таңла, Абдулла,
Мәндин сәлам дегил молла Еримә.

Мен кетәрмән узақ йола қан йутып,
Қоймасын дуўада мени унытып,
Мениң билән Абдулла қолны тутышып,
Көп-көп сәлам дегил молла Еримә.

Қудайым етмегей ғамым зыяда
Яд әйлесин беш ўақ мәни дуўда,
Қашшақлық дәрдидин кеттим пияда,
Мәндин сәлам дегил молла Еримә,

Қудайым өмир берип бизгә кәмалың,
Тиләрмән қудадын аның ўысалын,
Кетдим бир көре алмай гүлдек жамалын,
Көп-көп сәлам дегил молла Еримә.

Кеттим бир көре алмай мүбәрек йүзин,
Көзге сүрмә қылсам пайынын тозын,
Қарыздарман ишип-йедим көп дузын,
Көп-көп сәлам дегил молла Еримә.

Мән кетәрмән узақ йолға йол йүрип,
Сийнәмни чәк етип, йүз мың аҳ урып,
Әрмандаман кетә алмадым бир көрип,
Көп-көп сәлам дегил молла Еримә.

Әрмандаман кетә алмадым ушырашып,
Көзимдин яш төкип аңа хошлашып,
Аллаяр деп қайырлашып, хошлашып,
Көп-көп сәлам дегил молла Еримә.

Ҳажынияз кетти көзден яш дөкип,
Әлиптек қәддини ян киби бүкип,
Ғамий, ҳижран билән бағрини сөкип,
Көп-көп сәлам дегил молла Еримә.

Mán ketármán sárgizdana, Abdulla,
Mándin sálam degil molla Erimá,
Ájran áziym tapqaysań tańla, Abdulla,
Mándin sálam degil molla Erimá.

Men ketármán uzaq yola qan yutıp,
Qoymasın duwada meni unıtıp,
Meniń bilán Abdulla qolnı tutıshıp,
Kóp-kóp sálam degil molla Erimá.

Qudayım etmegey ǵamım zıyada
Yad áylesin besh waq máni duwda,
Qashshaqlıq dárdidin kettim piyada,
Mándin sálam degil molla Erimá,

Qudayım ómir berip bizgá kámalıń,
Tilármán qudadın anıń wısalın,
Ketdim bir kóre almay gúldek jamalın,
Kóp-kóp sálam degil molla Erimá.

Kettim bir kóre almay múbárek yúzin,
Kózge súrmá qılsam payının tozın,
Qarızdarman iship-yedim kóp duzın,
Kóp-kóp sálam degil molla Erimá.

Mán ketármán uzaq yolǵa yol yúrip,
Siynámni chák etip, yúz mıń ah urıp,
Ármandaman ketá almadım bir kórip,
Kóp-kóp sálam degil molla Erimá.

Ármandaman ketá almadım ushırashıp,
Kózimdin yash tókip ańa xoshlashıp,
Allayar dep qayırlashıp, xoshlashıp,
Kóp-kóp sálam degil molla Erimá.

Hajıniyaz ketti kózden yash dókip,
Áliptek qáddini yan kibi búkip,
Ǵamiy, hijran bilán baǵrini sókip,
Kóp-kóp sálam degil molla Erimá.