Жапырағың сарғышланып,
Көринеди көзиме,
Қайғы менен көп қыйналып,
Уқсатаман өзиме.

Көп шөллепсең суў ишинде,
Батып-шүмип турсаң да,
Қалтырайсаң жел песинде,
Сонша тамыр урсаң да.

Тамырыңның пайдасы аз,
Беркиспеген ылайға.
Тоқсан түсип болмады жаз,
Биз не қылдық қудайға?

Ескен самал сени қозғап,
Қайыстырды белиңди.
Ушырады ер жетпестен,
Ғумшаланған гүлиңди.

Турпатыңа қарап турсам,
Сарғаймаған жериң жоқ,
Ислериңди ойға алсам,
Жақтыға шығар күниң жоқ.

Қара берман, қамыс, сен де,
Қуўрама суў ишинде,
Сендей болып турман мен де,
Көк тайғақтың үстинде.

Japıraǵıń sarǵıshlanıp,
Kórinedi kózime,
Qayǵı menen kóp qıynalıp,
Uqsataman ózime.

Kóp shóllepseń suw ishinde,
Batıp-shúmip tursań da,
Qaltıraysań jel pesinde,
Sonsha tamır ursań da.

Tamırıńnıń paydası az,
Berkispegen ılayǵa.
Toqsan túsip bolmadı jaz,
Biz ne qıldıq qudayǵa?

Esken samal seni qozǵap,
Qayıstırdı belińdi.
Ushıradı er jetpesten,
Ǵumshalanǵan gúlińdi.

Turpatıńa qarap tursam,
Sarǵaymaǵan jeriń joq,
Íslerińdi oyǵa alsam,
Jaqtıǵa shıǵar kúniń joq.

Qara berman, qamıs, sen de,
Quwrama suw ishinde,
Sendey bolıp turman men de,
Kók tayǵaqtıń ústinde.