Ая ғапыл бул дүньяны,
Бағы-бостан дия йурсең,
Урт етип зиян гүнаны,
Ҳақ ҳәмирин қоя йурсең.

Лаҳатке кирсең екки малек,
Сеннен саўал сорап билмек,
Жаўабын берсен жекме-жек,
Айшы-ҳәшрет көре йурсең.

Ҳақтың ҳәмирини тутпайын,
Өз кәсибиңнен пәк қылмайын,
Илими таўсипти сезмейин,
Мен ҳәм қулман дея йурсең.

Айтыў-майрам гөзлегенин,
Тойда жуўап излегенин,
Ғийбат сөзди сөзлегенин,
Ғийбат зинадин сөзлеме.

Ада бермесин жуўабын,
Көрерсең гөрниң азабын,
Шекип жүз мың әлем дағын,
Азапларын көре йурсең.

Ая ғапыл Ҳәжиниязы,
Дайым гезерсең қысы-жазы,
Руза тутмай, пәнж намазы,
Сен ҳәм қулман дие йурсен.

Aya ǵapıl bul dúnyanı,
Baǵı-bostan diya yurseń,
Urt etip ziyan gúnanı,
Haq hámirin qoya yurseń.

Lahatke kirseń ekki malek,
Sennen sawal sorap bilmek,
Jawabın bersen jekme-jek,
Ayshı-háshret kóre yurseń.

Haqtıń hámirini tutpayın,
Óz kásibińnen pák qılmayın,
Ílimi tawsipti sezmeyin,
Men hám qulman deya yurseń.

Aytıw-mayram gózlegenin,
Toyda juwap izlegenin,
Ǵiybat sózdi sózlegenin,
Ǵiybat zinadin sózleme.

Ada bermesin juwabın,
Kórerseń górniń azabın,
Shekip júz mıń álem daǵın,
Azapların kóre yurseń.

Aya ǵapıl Hájiniyazı,
Dayım gezerseń qısı-jazı,
Ruza tutmay, pánj namazı,
Sen hám qulman die yursen.