Бир яр көринсе көзиме,
Аны көрип хош етермен,
Ғаным маған қарсы келсе,
Басын кесип, лаш етермен.

Қулақ салың бул сөзиме,
Жаманды илмей көзиме,
Бир яқшы ярды өзиме,
Аны ҳәм йолдаш етермен.

Сәҳәр жуўдырып басыны,
Таза өрдирип шашыны,
Қуда берсе он бешини,
Бәршесин сырдаш етермен.

Ҳаял өзини билмесе,
Билгенниң тилин алмаса,
Оңдырып исин қылмаса,
Аны ошаққа тас етермен.

Сыртымыздан бизди саўса.
Беллерини беккем буўса,
Сәўер ярдан хабар келсе,
Мен оған йүриш етермен.

Кетермен дүньядан қайтып,
Табалмадым көп зар етип,
Ашық пенен ғәззел айтып,
Өз ўақтымды хош етермен.

Зийўар айтар әрман қалды,
Яр деп өмирим ада болды,
Бул ислерди қуда қылды,
Жүргил ҳақыйқат жол менен.

Bir yar kórinse kózime,
Anı kórip xosh etermen,
Ǵanım maǵan qarsı kelse,
Basın kesip, lash etermen.

Qulaq salıń bul sózime,
Jamandı ilmey kózime,
Bir yaqshı yardı ózime,
Anı hám yoldash etermen.

Sáhár juwdırıp basını,
Taza órdirip shashını,
Quda berse on beshini,
Bárshesin sırdash etermen.

Hayal ózini bilmese,
Bilgenniń tilin almasa,
Ońdırıp isin qılmasa,
Anı oshaqqa tas etermen.

Sırtımızdan bizdi sawsa.
Bellerini bekkem buwsa,
Sáwer yardan xabar kelse,
Men oǵan yúrish etermen.

Ketermen dúnyadan qaytıp,
Tabalmadım kóp zar etip,
Ashıq penen ǵázzel aytıp,
Óz waqtımdı xosh etermen.

Ziywar aytar árman qaldı,
Yar dep ómirim ada boldı,
Bul islerdi quda qıldı,
Júrgil haqıyqat jol menen.