Аға, беглер, көңлим йетим,
Ашылмас думана меңзер,
Бир басымдағы ҳәсиретим,
Гирдаблы уммана меңзер.

Өмиримниң қасри йықылған,
Ығбал кәсасы төкилген,
Хатсыз, қәлемсиз шекилген
Еир әжеп деўана меңзер.

Дәртимниң жоқ ҳеш даўасы,
Бузылды көңлим Хийўасы,
Үмидўар инсан дүньясы
Шәўкетсиз дәўрана меңзер.

Арзыўлар кезгүси сынған,
Суўлар әсбек болып тынған,
Йетим көңлим байғуш қонған,
Бир көшки-әйўана меңзер.

Ашық – ярсыз, бүлбил – гүлсиз,
Кийик – шөлсиз, сона – көлсиз,
Зийўар айтур, йуртыз, елсиз
Адам бир дийўана меңзер.

Aǵa, begler, kóńlim yetim,
Ashılmas dumana meńzer,
Bir basımdaǵı hásiretim,
Girdablı ummana meńzer.

Ómirimniń qasri yıqılǵan,
Iǵbal kásası tókilgen,
Xatsız, qálemsiz shekilgen
Eir ájep dewana meńzer.

Dártimniń joq hesh dawası,
Buzıldı kóńlim Xiywası,
Úmidwar insan dúnyası
Sháwketsiz dáwrana meńzer.

Arzıwlar kezgúsi sınǵan,
Suwlar ásbek bolıp tınǵan,
Yetim kóńlim bayǵush qonǵan,
Bir kóshki-áywana meńzer.

Ashıq – yarsız, búlbil – gúlsiz,
Kiyik – shólsiz, sona – kólsiz,
Ziywar aytur, yurtız, elsiz
Adam bir diywana meńzer.