Ылғал етип узақ йерден йол ашып,
Кешлетип мәстана алдыңа келдим,
Сенин ышқы отларыңа туташып,
Ләпте палың шийрин тилиңе келдим.

Қызларның ишинде сенсең сәрўәри,
Йүзлериң– қырмызы, маҳи-әнўәри,
Мен сени сәўмишем көргеннен бери,
Ҳәўес әйлеп қадди далыңа келдим.

Арзыў әйлеп келдим сениң өзиңе,
Қәлем қашың тотыядай көзимә,
Интизарман сениң айтар сөзиңе,
Үмит пенен сениң жаныңа келдим.

Кел сөҳбет етели бир қалый жайда,
Рақиплар турса да аҳ илә ўайда.
Салланып жүрерсең тилла сарайда,
Көңлим сени истәп көрмеге келдим.

Ilǵal etip uzaq yerden yol ashıp,
Keshletip mástana aldıńa keldim,
Senin ıshqı otlarıńa tutashıp,
Lápte palıń shiyrin tilińe keldim.

Qızlarnıń ishinde senseń sárwári,
Yúzleriń– qırmızı, mahi-ánwári,
Men seni sáwmishem kórgennen beri,
Háwes áylep qaddi dalıńa keldim.

Arzıw áylep keldim seniń ózińe,
Qálem qashıń totıyaday kózimá,
Íntizarman seniń aytar sózińe,
Úmit penen seniń janıńa keldim.

Kel sóhbet eteli bir qalıy jayda,
Raqiplar tursa da ah ilá wayda.
Sallanıp júrerseń tilla sarayda,
Kóńlim seni istáp kórmege keldim.