Қара көзли, шийрин сөзли дилбарым,
Сендин өзге сәўер ярым йоқ мениң,
Таза гүлистаным, маҳи әнўарим,
Ҳәсиретиңнен ҳеш қарарым йоқ мениң.

Сени көрсем болур мениң көңлим шад,
Жаҳанның ғамийдин болурман азад,
Нәзакат бабында кәмәтиң шәмшад,
Сендин өзге үлфикарим йоқ мениң.

Назлы дилбар сенсең ўафалы жәнан,
Ҳүсниңниң рәўишине боларман ҳәйран,
Шийрин жаным болса йолыңда қурбан,
Сендин өзге сәўер ярым йоқ мениң.

Qara kózli, shiyrin sózli dilbarım,
Sendin ózge sáwer yarım yoq meniń,
Taza gúlistanım, mahi ánwarim,
Hásiretińnen hesh qararım yoq meniń.

Seni kórsem bolur meniń kóńlim shad,
Jahannıń ǵamiydin bolurman azad,
Názakat babında kámátiń shámshad,
Sendin ózge úlfikarim yoq meniń.

Nazlı dilbar senseń wafalı jánan,
Húsnińniń ráwishine bolarman háyran,
Shiyrin janım bolsa yolıńda qurban,
Sendin ózge sáwer yarım yoq meniń.