Аҳы-зарым сениң қасыңда болсам,
Ҳүршиди ҳәйкелдек жамалың көрсем,
Кеше-күндиз сениң менен бир жүрсем,
Деген тилеклерим ҳақтан бар енди.

Ықшы отына түскен йигит мәрт болар,
Шеккени күн-түни аҳ-ҳәсирет болар,
Ашықлық дегениң яман *рт болар,
Тәўәккәлди бир аллаға қыл енди.

Көп қайғырсаң көзлерине нәм толар,
Думан басып жәҳән жүзи зәң болар,
Қызыл жүзиң зафырандай рәң болар,
Сәўәр ярым мениң фәндим ал енди.

Ашықлық ямандур жүзиң солдырур,
Ышқына төзбеген дәрттен болдырур,
Сырласпасаң ишиң толып өлтирур.
Биз бенен мудамы сырлас бол енди.

Аҳ мени ярым деп пәрияд әйлеме,
Берк әйле, көңлиңди нашад әйлеме,
Яқшыны нийет қыл, яман сөйлеме,
Бул сөзди ядыңа яқшы ал енди.

Ғайры менен босқа үлфәт болмағыл,
Өзиңе ҳәм маған қайғы салмағыл,
Менде басқа яр йоқ, гүман қылмағыл,
Мен сениң ярыңман тахик, бил енди,

Қосқай дийип бир алладан тилермен,
Ышқың фырақына дайым күйермен,
Таҳир киби ҳәр қыялға дөнермен,
Зийўәриңди ҳайран етпей тур енди.

Ahı-zarım seniń qasıńda bolsam,
Húrshidi háykeldek jamalıń kórsem,
Keshe-kúndiz seniń menen bir júrsem,
Degen tileklerim haqtan bar endi.

Iqshı otına túsken yigit márt bolar,
Shekkeni kún-túni ah-hásiret bolar,
Ashıqlıq degeniń yaman *rt bolar,
Táwákkáldi bir allaǵa qıl endi.

Kóp qayǵırsań kózlerine nám tolar,
Duman basıp jáhán júzi záń bolar,
Qızıl júziń zafıranday ráń bolar,
Sáwár yarım meniń fándim al endi.

Ashıqlıq yamandur júziń soldırur,
Ishqına tózbegen dártten boldırur,
Sırlaspasań ishiń tolıp óltirur.
Biz benen mudamı sırlas bol endi.

Ah meni yarım dep páriyad áyleme,
Berk áyle, kóńlińdi nashad áyleme,
Yaqshını niyet qıl, yaman sóyleme,
Bul sózdi yadıńa yaqshı al endi.

Ǵayrı menen bosqa úlfát bolmaǵıl,
Ózińe hám maǵan qayǵı salmaǵıl,
Mende basqa yar yoq, gúman qılmaǵıl,
Men seniń yarıńman taxik, bil endi,

Qosqay diyip bir alladan tilermen,
Ishqıń fıraqına dayım kúyermen,
Tahir kibi hár qıyalǵa dónermen,
Ziywárińdi hayran etpey tur endi.