Ҳаўада ушқан боз қушлар,
Не билсүн көлниң қәдиринән,
Тағ башында кешән марал,
Не билсүн шөлниң қәдиринән.

Яқшы-яманны көрмәгән,
Бек болуб дәўран сүрмәгән,
Гүлниң тазасын термәгән,
Не билсүн гүлниң қәдиринән.

Ышқы шарабын ишмәйин,
Шийрин жанынан кешмәйин,
Йуртынан айра түшмәйин,
Не билсүн елниң қәдиринән,

Бүлбүл фыған етән бағлар,
Ашық олан тынмай ағлар,
Көкни гезгән қарға-зағлар
Не билсун гүлниң қәдиринән.

Үстимиздән өтән айлар,
Түшти бу күн аҳыў-ўайлар,
Едиреңләп йүргән әлейлер
Не билсүн сөзниң қәдиринән.

Аҳ шекип бағрын сөкмәгән,
Көзинән яшын төкмәгән,
Нар болып йүкни шекмәгән,
Не билсүн йолның қәдиринән.

Яр билә сәҳбет етмәйин,
Мурат-мақсүдә йетмәйин,
Ашшы-душшыны татмайын,
Не билсүн балның қәдиринән.

Яр билән биргә ятмаған,
Шийрин ләбинен татмаған.
Нәзик белинен тутмаған,
Не билсин қолның қәдиринән.

Зийўар әжепдүр заманлар,
Қани мундағ қәдирданлар,
Өзин билмәс қыз-жаўанлар,
Не билсүн ярның қәдиринен.

Hawada ushqan boz qushlar,
Ne bilsún kólniń qádirinán,
Taǵ bashında keshán maral,
Ne bilsún shólniń qádirinán.

Yaqshı-yamannı kórmágán,
Bek bolub dáwran súrmágán,
Gúlniń tazasın termágán,
Ne bilsún gúlniń qádirinán.

Ishqı sharabın ishmáyin,
Shiyrin janınan keshmáyin,
Yurtınan ayra túshmáyin,
Ne bilsún elniń qádirinán,

Búlbúl fıǵan etán baǵlar,
Ashıq olan tınmay aǵlar,
Kókni gezgán qarǵa-zaǵlar
Ne bilsun gúlniń qádirinán.

Ústimizdán ótán aylar,
Túshti bu kún ahıw-waylar,
Edireńláp yúrgán áleyler
Ne bilsún sózniń qádirinán.

Ah shekip baǵrın sókmágán,
Kózinán yashın tókmágán,
Nar bolıp yúkni shekmágán,
Ne bilsún yolnıń qádirinán.

Yar bilá sáhbet etmáyin,
Murat-maqsúdá yetmáyin,
Ashshı-dushshını tatmayın,
Ne bilsún balnıń qádirinán.

Yar bilán birgá yatmaǵan,
Shiyrin lábinen tatmaǵan.
Názik belinen tutmaǵan,
Ne bilsin qolnıń qádirinán.

Ziywar ájepdúr zamanlar,
Qani mundaǵ qádirdanlar,
Ózin bilmás qız-jawanlar,
Ne bilsún yarnıń qádirinen.