Ҳәр жерлерде дилгир мүтәж болсаңыз,
Сонда белли дәркар ўәждиң қымматы,
Несип айдап елдек айра түшсеңиз,
Сонда белли үйде ҳәздин ләззети.

Аңламай ладанға ашна болсаңыз,
Жақсы емес сөз астында қалсаңыз,
Душ келип нәмәртке меҳман болсаңыз,
Сонда белли ғош йигиттиң хызмети.

Зейни әйлеп ҳәр нышана түшмегә,
Көңил қойып пәрўаз етип ушмаға,
Ғам-қайғыў, қәпесте көңлиң ашмаға,
Сонда дәркер шийрин сөздиң ләззети.

Нәмәрттен бир нәрсе сораса ғәрип,
Нәрсе бермес йүз мың барса жалбарып,
Жаманды өлимдин алсаң қутқарып,
Болмас ҳеш бир сеннен зәрре миннети.

Ғош йигитке түшсе қаттық саўдалар,
Достың зар йығлайып, душман табалар,
Кетпес ҳеш ызасы беглер, ағалар,
Ғош йигит наҳақтан тартса дөҳмәти.

Дүньяда Зийўардек дәртли киши йоқ,
Байдәртлерниң аның билен иши йоқ,
Ялғаншыда зәрре көңил хошы йоқ,
Жоқшылықтан ҳәрдем шекер зәҳмети.

Hár jerlerde dilgir mútáj bolsańız,
Sonda belli dárkar wájdiń qımmatı,
Nesip aydap eldek ayra túshseńiz,
Sonda belli úyde házdin lázzeti.

Ańlamay ladanǵa ashna bolsańız,
Jaqsı emes sóz astında qalsańız,
Dush kelip námártke mehman bolsańız,
Sonda belli ǵosh yigittiń xızmeti.

Zeyni áylep hár nıshana túshmegá,
Kóńil qoyıp párwaz etip ushmaǵa,
Ǵam-qayǵıw, qápeste kóńliń ashmaǵa,
Sonda dárker shiyrin sózdiń lázzeti.

Námártten bir nárse sorasa ǵárip,
Nárse bermes yúz mıń barsa jalbarıp,
Jamandı ólimdin alsań qutqarıp,
Bolmas hesh bir sennen zárre minneti.

Ǵosh yigitke túshse qattıq sawdalar,
Dostıń zar yıǵlayıp, dushman tabalar,
Ketpes hesh ızası begler, aǵalar,
Ǵosh yigit nahaqtan tartsa dóhmáti.

Dúnyada Ziywardek dártli kishi yoq,
Baydártlerniń anıń bilen ishi yoq,
Yalǵanshıda zárre kóńil xoshı yoq,
Joqshılıqtan hárdem sheker záhmeti.