ТӘРЕЗИ (TÁREZÍ)
Япырмай бала илим артып
Техниканың өсиўин-ай!
Мысқалды мың бөлип тартып,
Тәрезилер сөйлер бузбай.
Сәддақ оны соққанларға,
Кивернетик дәўирге даңқ!
Деген менен, тоқтаңлар дә,
Бир нәрсеге болдым ғой таң.
Ақылға уғрас келмейтуғын
Ислер ушырап қалар екен,
Тек адамды өлшейтуғын
Бир тәрези болар екен.
Үлгисин оның музейде көрип,
Күлип ишек-силем қатқан:
Қабақтың түбин еки бөлип,
Кендир жиптен үш баў таққан.
Саз ылайдың кесегинен
Дизиўли тур өлшеў тасы.
Усыны да жыл есебинен
Мың жылдай соққан устасы.
Басқа қыйын сыры жоқ буның,
Илимнен жоқ ғәрези де.
Қойындай колхоз фермасының
Түсиўиң шәрт бул тәрезиге.
Бар ма, жоқ па сорпалығың,
Гелле-бас сыйрақ, ишек қарын,
Таза гөшиң қаншалығын
Ҳеш қалпысыз айтар бәрин.
Тәрезибан тамаша халық,
Ишинен бәрин билип қояр.
Насбайын бир атып алып,
Муртынан ғана күлип қояр.
Әне соннан кейин барып,
Билесең анық салмағыңды:
Тас басарың болса танып,
Биледи ким болмағыңды.
Қой да жақсы-аў, жеңил келсе
Бағып-қағып семиртесең.
Ал сен бул безбенге минсең,
Түсе алмайсаң өмирде сен.
Тас баспасаң ебин-жорық.
Мандымайсаң урсадағы.
Тилиң менен орақ орып,
Қудайың тиреп турсадағы.
Даңқлы алым яки уста,
Болсаңдағы берен аттай,
Оннан кейин жүре бер тыста,
Мәжилиске басың батпай...
Ақылға уғрас келмейтуғын
Жәмийеттиң бар өз иси.
Жасасын адам өлшейтуғын
Халықтың қабақ тәрезиси!
1974-ж.
Техниканың өсиўин-ай!
Мысқалды мың бөлип тартып,
Тәрезилер сөйлер бузбай.
Сәддақ оны соққанларға,
Кивернетик дәўирге даңқ!
Деген менен, тоқтаңлар дә,
Бир нәрсеге болдым ғой таң.
Ақылға уғрас келмейтуғын
Ислер ушырап қалар екен,
Тек адамды өлшейтуғын
Бир тәрези болар екен.
Үлгисин оның музейде көрип,
Күлип ишек-силем қатқан:
Қабақтың түбин еки бөлип,
Кендир жиптен үш баў таққан.
Саз ылайдың кесегинен
Дизиўли тур өлшеў тасы.
Усыны да жыл есебинен
Мың жылдай соққан устасы.
Басқа қыйын сыры жоқ буның,
Илимнен жоқ ғәрези де.
Қойындай колхоз фермасының
Түсиўиң шәрт бул тәрезиге.
Бар ма, жоқ па сорпалығың,
Гелле-бас сыйрақ, ишек қарын,
Таза гөшиң қаншалығын
Ҳеш қалпысыз айтар бәрин.
Тәрезибан тамаша халық,
Ишинен бәрин билип қояр.
Насбайын бир атып алып,
Муртынан ғана күлип қояр.
Әне соннан кейин барып,
Билесең анық салмағыңды:
Тас басарың болса танып,
Биледи ким болмағыңды.
Қой да жақсы-аў, жеңил келсе
Бағып-қағып семиртесең.
Ал сен бул безбенге минсең,
Түсе алмайсаң өмирде сен.
Тас баспасаң ебин-жорық.
Мандымайсаң урсадағы.
Тилиң менен орақ орып,
Қудайың тиреп турсадағы.
Даңқлы алым яки уста,
Болсаңдағы берен аттай,
Оннан кейин жүре бер тыста,
Мәжилиске басың батпай...
Ақылға уғрас келмейтуғын
Жәмийеттиң бар өз иси.
Жасасын адам өлшейтуғын
Халықтың қабақ тәрезиси!
1974-ж.
Гезектеги ендиги бөлимге өтиў: ГЕДЕЙЛИК
Алдынғы бөлимге қайтыў: ТӨРТЛИКЛЕР
Китап Мазмунына қайтыў
Социал тармақларда бөлисиў
Егер сиз бул китаптың усы бөлимин унатқан болсаңыз, бул бетти төмендеги социал тармақлар арқалы досларыңыз бенен бөлисиўди умытпаң:
