НЕГЕ КЕРЕК (NEGE KEREK)
Сайраған бүлбил болмаса,
Иши ҳаўазға толмаса,
Бәрқулла жайнап турмаса,
Ашылған гүл неге керек?
Сарқырап суўы ақпаса,
Еккен егинлер қанбаса,
Ўақтында тасып-тынбаса,
Аққан суўлар неге керек?
Узақтан көзге түспесе,
Шамалы қатты еспесе,
Төбеси бултқа тиймесе,
Асқар таўлар неге керек?
Жадырап жазы болмаса,
Шуўақлы көгал қылмаса,
Өз ўақтында жаўмаса,
Қара жамғыр неге керек?
Көрген нәрсени алмаса,
Пәтленип қанат қақпаса,
Жоқ жерден аңды таппаса,
Қаршыға қус неге керек?
Қарасын үзип кетпесе,
Артықша қарыў етпесе,
Қашақ қоянға жетпесе,
Қайың тазы неге керек?
Озалда төсин көрмесе,
Таңлап жемлерин жемесе,
Байрақтан озып келмесе,
Дал бедеўлер неге керек?
Беллерин беккем буўмаса,
Өткен өшлерди қуўмаса,
Анадан артық туўмаса,
Пасық перзент неге керек?
Бойы күн сайын өспесе,
Душпан көкейин кеспесе,
Таймай гүреске түспесе,
Қорқақ палўан неге керек?
Халықтың арын арламаса.
Бары-жоқты барламаса,
Аш ҳәм тоққа қарамаса,
Аўан басшы неге керек?
Халыққа әдил болмаса,
Жылағанды жубатпаса,
Халық татқанды татпаса
Тахт ийеси неге керек.
Еки жақты тең көрмесе,
Дуўры төрелик бермесе,
Әдиллик пенен шешпесе,
Кәтқудалар неге керек?
Ашқа қайыры болмаса,
Майға қарыны толмаса,
Дүньяның жүзин шолмаса,
Аса байлық неге керек?
Дәрьядай толып таспаса,
Күн сайын күши аспаса,
Елди жаўлардан бақпаса,
Қуры батыр неге керек?
Ата-анасын күтпесе,
Айтқанларына көнбесе,
Ата-анам демесе,
Жаман перзент неге керек?
Күндей күлип жайнамаса,
Бүлбил болып сайрамаса,
Қуўанысып ойнамаса,
Қуў өмирлер неге керек?
Иши ҳаўазға толмаса,
Бәрқулла жайнап турмаса,
Ашылған гүл неге керек?
Сарқырап суўы ақпаса,
Еккен егинлер қанбаса,
Ўақтында тасып-тынбаса,
Аққан суўлар неге керек?
Узақтан көзге түспесе,
Шамалы қатты еспесе,
Төбеси бултқа тиймесе,
Асқар таўлар неге керек?
Жадырап жазы болмаса,
Шуўақлы көгал қылмаса,
Өз ўақтында жаўмаса,
Қара жамғыр неге керек?
Көрген нәрсени алмаса,
Пәтленип қанат қақпаса,
Жоқ жерден аңды таппаса,
Қаршыға қус неге керек?
Қарасын үзип кетпесе,
Артықша қарыў етпесе,
Қашақ қоянға жетпесе,
Қайың тазы неге керек?
Озалда төсин көрмесе,
Таңлап жемлерин жемесе,
Байрақтан озып келмесе,
Дал бедеўлер неге керек?
Беллерин беккем буўмаса,
Өткен өшлерди қуўмаса,
Анадан артық туўмаса,
Пасық перзент неге керек?
Бойы күн сайын өспесе,
Душпан көкейин кеспесе,
Таймай гүреске түспесе,
Қорқақ палўан неге керек?
Халықтың арын арламаса.
Бары-жоқты барламаса,
Аш ҳәм тоққа қарамаса,
Аўан басшы неге керек?
Халыққа әдил болмаса,
Жылағанды жубатпаса,
Халық татқанды татпаса
Тахт ийеси неге керек.
Еки жақты тең көрмесе,
Дуўры төрелик бермесе,
Әдиллик пенен шешпесе,
Кәтқудалар неге керек?
Ашқа қайыры болмаса,
Майға қарыны толмаса,
Дүньяның жүзин шолмаса,
Аса байлық неге керек?
Дәрьядай толып таспаса,
Күн сайын күши аспаса,
Елди жаўлардан бақпаса,
Қуры батыр неге керек?
Ата-анасын күтпесе,
Айтқанларына көнбесе,
Ата-анам демесе,
Жаман перзент неге керек?
Күндей күлип жайнамаса,
Бүлбил болып сайрамаса,
Қуўанысып ойнамаса,
Қуў өмирлер неге керек?
Гезектеги ендиги бөлимге өтиў: ЖАРЫМАДЫМ
Алдынғы бөлимге қайтыў: ЕЛ МЕНЕН
Китап Мазмунына қайтыў
Социал тармақларда бөлисиў
Егер сиз бул китаптың усы бөлимин унатқан болсаңыз, бул бетти төмендеги социал тармақлар арқалы досларыңыз бенен бөлисиўди умытпаң:
