Қолымда бир айнам бар,
Керек маған ол күнде,
Мектепте де, үйде де.

Ҳәммеге жағымлы,
Туўры барыўға уялады.

Сулыў қыз таўдан қарады.
Терезеден алтын нур тарады.

Терезеден сыяр,
Есиктен сыймас,
Сандыққа түсер,
Бирақ қамаққа көнбес.

Бир көлде еки жайын,
Бири кетсе, бири тайын.

Биреўдиң бир улы ҳәм де қызы бар,
Улының түнде, қызының күндиз,
Уйқлайтуғын әдети бар.

Бир пәрше пәтир,
Әлемге татыр.

Асты дағара, үсти дағара,
Ортасында мың-мың шешек,
Бир гүлала.

Бир шатыр бар —
Бақансыз, тиреўсиз,
Ишинде еки шам,
Пилтесиз, майсыз.

Там басына тары жайылған шашылып,
Ол күтә көп қарасаңыз көз ашып,
Шымшықтың сәўлеси түссе жүзине,
Бири қалмай бәри кетеди қашып.

Ағам пул берди санай алмадым,
Апам көрпе берди көтере алмадым.

Үш жүз алпыс бес жасы бар,
Ҳүр әлўаннан асы бар,
Он еки улы бар, бир қызы бар.

Ай менен келип,
Күн менен кетеди.

Бир зат бар күтә тамаша,
Есабы жоқ адам санаса,
Күтә майда уп-усақ,
Көз илмейди адам қараса.

Атамның бир тоны бар,
Жамылып болмас.
Иши толы ҳинжи-маржан,
Бирақ санап болмас.

Бир атасы, бир анасы,
Неше жүз мың баласы.

Түнде нурын шашады,
Күн шыққаннан қашады.

Таў асырып оқ аттым,
Атқан оғымды жоғалттым.

Тоғыз шешек бир жапырақ.

Қарап турсам тәўир гилем,
Көтере алмас аўыр гилем,

Үстиниң тоғайы, суўы бар,
Сени де, мени де көтерген,
Қуш, мени таў да ал.

Таўдан келер тастай,
Ҳарылдаған аттай.

Отқа жанбайды,
Суўға батпайды.

Болмайды онда бийик ой,
Өзи тегис майданша,
Турады ол үш-төрт ай,
Ыссы келип қалғанша.
Күнде барып балалар,
Түрли ойын ойнайды,
Бирин-бири қуўалап,
Қызығына тоймайды.
Егер оңлы болмасаң,
Жығыласан дүрс етип,
Көрип қойса бир бала,
Күледи саған мырс етип.
Усыны сен ойлап тап,
Басқалардан сорама,
Еситип қойсаң таптым деп,
Айтпа басқа балаға.

Ғарры шешем қәҳәрленди,
Көз жасы сел етти жерди.

Ийиси жоқ, дузы жоқ,
Онысыз жапта турыс жоқ.

Ақ жипекти жапқандай,
Қыста жерди жабады,
Бәҳәр келсе қыс шығып,
Суў болып жаптан ағады.

Өзи аппақ көрпедей,
Пүткил жерди жабады,
Көрпесин жаўып болыўдан,
Шымыр аяз табады.
Күндиз көзи көринсе,
Көзинен жасы ағады,
Сүмеклесип муз болып,
Жерге сарт-сарт тамады.

Ақ таўық, кетеги суўық.

Суўық болса ақ жаўлығын жабады,
Күн жылыса жапқа түсип ағады.

Қолсыз, аяқсыз есик ашар,
Жеңил майда затты шашар.

Түтини бар, оты жоқ.

Сеннен жүйрик болса да,
Көринбейди көзине,
Аяқ-қолы, басы жоқ,
Сес береди өзиңе.

Басы таўда,
Аяғы көлде.

Жүриси бар, түри жоқ,
Сести бар да тили жоқ,
Устатпайды қашаған,
Жол жүриў менен жасаған.

Бүркит уясын бир таўса,
Бир таппайды.

Аяқсыз, қолсыз,
Бояўсыз, порсыз,
Саласаң сүўрет,
Бизлерге үйрет.

Қолсыз, аяқсыз гүл салады.

Өзи аппақ көрпедей,
Пүткил жерди жабады,
Көрпесин жаўып болыўдан.
Шымыр аяз табады.

Күнниң жүзи көринсе,
Көзинен жасы ағады,
Сүмеклесип муз болып,
Жерге сырт-сырт тамады.

Суўық болса ақ жаўлығын жаўады,
Күн жылыса жапқа түсип ағады.

Далада таў, үйде суў.

Қолы жоқ суўрет салады,
Тиси жоқ тислеп алады.

Аяғы жоқ жүреди,
Сыңқылдап ғана күледи.

Жутсаң қарның тоймайды,
Жутпасаң жасап болмайды.

Қыста тоны жоқ,
Жазда панасы жоқ,
Суўыққа күймейди.

Жүрсем жүреди,
Турсам турады.

Қуўсаң қашады,
Қашсаң қуўады.

Урсаң таяқ өтпейди,
Қуўсаң аяқ жетпейди.

Күн шықса бирге шағады,
Булт болса үйде қалады.

Өзиң менен бирге жүреди,
Кеште, азанда узайып,
Бирақ түсте келтереди.

Өзиңнен озбас,
Изиңнен қалмас,

Қыста тоны жоқ,
Жазда панасы жоқ.
Суўыққа тоңбайды,
Ыссыға күймейди.

Жөңке төре тилсиз сөйлейди,
Ҳеш ким оны көрмейди,
Бирақ ҳәммеге еситилмейди.

Көзге көринбес,
Жүрсе билинбес,
Денеге сезилип,
Доланса егер,
Толқынлатып теңизди,
Тақыр жерди боратып,
От-шөплерди шашады,
Шашады да қашады.

Жалт-жалт етер,
Жалмап кетер.

Аяғы жоқ қашады,
Қанаты жоқ ушады.

Көк шүберек түйдим де
Көкке сәлем жибердим.

Бир ағаш он еки путақ,
Ҳәр биринде отыз жапырақ,
Ҳәр жапырақтың бир жағы қара,
Бир жағы ақ.

Өзи тас жазы, қысы
Жақсы зат жоқ оннан ыссы.

Жатса тас,
Жақса отын.

Суўға салсаң жанар,
Отқа салсаң қанар.

Qolımda bir aynam bar,
Kerek maǵan ol kúnde,
Mektepte de, úyde de.

Hámmege jaǵımlı,
Tuwrı barıwǵa uyaladı.

Sulıw qız tawdan qaradı.
Terezeden altın nur taradı.

Terezeden sıyar,
Esikten sıymas,
Sandıqqa túser,
Biraq qamaqqa kónbes.

Bir kólde eki jayın,
Biri ketse, biri tayın.

Birewdiń bir ulı hám de qızı bar,
Ulınıń túnde, qızınıń kúndiz,
Uyqlaytuǵın ádeti bar.

Bir párshe pátir,
Álemge tatır.

Astı daǵara, ústi daǵara,
Ortasında mıń-mıń sheshek,
Bir gúlala.

Bir shatır bar —
Baqansız, tirewsiz,
Íshinde eki sham,
Piltesiz, maysız.

Tam basına tarı jayılǵan shashılıp,
Ol kútá kóp qarasańız kóz ashıp,
Shımshıqtıń sáwlesi tússe júzine,
Biri qalmay bári ketedi qashıp.

Aǵam pul berdi sanay almadım,
Apam kórpe berdi kótere almadım.

Úsh júz alpıs bes jası bar,
Húr álwannan ası bar,
On eki ulı bar, bir qızı bar.

Ay menen kelip,
Kún menen ketedi.

Bir zat bar kútá tamasha,
Esabı joq adam sanasa,
Kútá mayda up-usaq,
Kóz ilmeydi adam qarasa.

Atamnıń bir tonı bar,
Jamılıp bolmas.
Íshi tolı hinji-marjan,
Biraq sanap bolmas.

Bir atası, bir anası,
Neshe júz mıń balası.

Túnde nurın shashadı,
Kún shıqqannan qashadı.

Taw asırıp oq attım,
Atqan oǵımdı joǵalttım.

Toǵız sheshek bir japıraq.

Qarap tursam táwir gilem,
Kótere almas awır gilem,

Ústiniń toǵayı, suwı bar,
Seni de, meni de kótergen,
Qush, meni taw da al.

Tawdan keler tastay,
Harıldaǵan attay.

Otqa janbaydı,
Suwǵa batpaydı.

Bolmaydı onda biyik oy,
Ózi tegis maydansha,
Turadı ol úsh-tórt ay,
Issı kelip qalǵansha.
Kúnde barıp balalar,
Túrli oyın oynaydı,
Birin-biri quwalap,
Qızıǵına toymaydı.
Eger ońlı bolmasań,
Jıǵılasan dúrs etip,
Kórip qoysa bir bala,
Kúledi saǵan mırs etip.
Usını sen oylap tap,
Basqalardan sorama,
Esitip qoysań taptım dep,
Aytpa basqa balaǵa.

Ǵarrı sheshem qáhárlendi,
Kóz jası sel etti jerdi.

Íyisi joq, duzı joq,
Onısız japta turıs joq.

Aq jipekti japqanday,
Qısta jerdi jabadı,
Báhár kelse qıs shıǵıp,
Suw bolıp japtan aǵadı.

Ózi appaq kórpedey,
Pútkil jerdi jabadı,
Kórpesin jawıp bolıwdan,
Shımır ayaz tabadı.
Kúndiz kózi kórinse,
Kózinen jası aǵadı,
Súmeklesip muz bolıp,
Jerge sart-sart tamadı.

Aq tawıq, ketegi suwıq.

Suwıq bolsa aq jawlıǵın jabadı,
Kún jılısa japqa túsip aǵadı.

Qolsız, ayaqsız esik ashar,
Jeńil mayda zattı shashar.

Tútini bar, otı joq.

Sennen júyrik bolsa da,
Kórinbeydi kózine,
Ayaq-qolı, bası joq,
Ses beredi ózińe.

Bası tawda,
Ayaǵı kólde.

Júrisi bar, túri joq,
Sesti bar da tili joq,
Ustatpaydı qashaǵan,
Jol júriw menen jasaǵan.

Búrkit uyasın bir tawsa,
Bir tappaydı.

Ayaqsız, qolsız,
Boyawsız, porsız,
Salasań súwret,
Bizlerge úyret.

Qolsız, ayaqsız gúl saladı.

Ózi appaq kórpedey,
Pútkil jerdi jabadı,
Kórpesin jawıp bolıwdan.
Shımır ayaz tabadı.

Kúnniń júzi kórinse,
Kózinen jası aǵadı,
Súmeklesip muz bolıp,
Jerge sırt-sırt tamadı.

Suwıq bolsa aq jawlıǵın jawadı,
Kún jılısa japqa túsip aǵadı.

Dalada taw, úyde suw.

Qolı joq suwret saladı,
Tisi joq tislep aladı.

Ayaǵı joq júredi,
Sıńqıldap ǵana kúledi.

Jutsań qarnıń toymaydı,
Jutpasań jasap bolmaydı.

Qısta tonı joq,
Jazda panası joq,
Suwıqqa kúymeydi.

Júrsem júredi,
Tursam turadı.

Quwsań qashadı,
Qashsań quwadı.

Ursań tayaq ótpeydi,
Quwsań ayaq jetpeydi.

Kún shıqsa birge shaǵadı,
Bult bolsa úyde qaladı.

Óziń menen birge júredi,
Keshte, azanda uzayıp,
Biraq túste kelteredi.

Ózińnen ozbas,
Ízińnen qalmas,

Qısta tonı joq,
Jazda panası joq.
Suwıqqa tońbaydı,
Issıǵa kúymeydi.

Jóńke tóre tilsiz sóyleydi,
Hesh kim onı kórmeydi,
Biraq hámmege esitilmeydi.

Kózge kórinbes,
Júrse bilinbes,
Denege sezilip,
Dolansa eger,
Tolqınlatıp teńizdi,
Taqır jerdi boratıp,
Ot-shóplerdi shashadı,
Shashadı da qashadı.

Jalt-jalt eter,
Jalmap keter.

Ayaǵı joq qashadı,
Qanatı joq ushadı.

Kók shúberek túydim de
Kókke sálem jiberdim.

Bir aǵash on eki putaq,
Hár birinde otız japıraq,
Hár japıraqtıń bir jaǵı qara,
Bir jaǵı aq.

Ózi tas jazı, qısı
Jaqsı zat joq onnan ıssı.

Jatsa tas,
Jaqsa otın.

Suwǵa salsań janar,
Otqa salsań qanar.